ბოევიკები მოკლული ჟურნალისტის უთავო ცხედრის მილიონ დოლარად გაყიდვას ცდილობენ

პოლიტიკა - 14:56, 11 Dec, 2014

1235

ისლამური სახელმწიფოს ბოევიკები ფულის შოვნის საზარელ ხერხს მიმართავენ, გამოცემა ,,Buzzfeed“-ის ცნობით, საქმე ეხება ამერიკელი ჟურნალისტს, ჯეიმს ფოულის, რომელიც აგვისტოში მოკლეს. ბოევიკები მისი უთავო ცხედარის გაყიდვას 1 მილიონ დოლარად ცდილობენ.

ისლამისტმა ბოევიკებმა ვერ შეძლეს ტყვეების გამოსყიდვაზე მოლაპარაკება და მათ სამ მათგანს თავი მოკვეთეს. ამჯერად ბოევიკები ცდილობენ ფული როგორც მინიმუმ ერთი გარდაცვლილის სხეულის გაყიდვით მაინც მიიღონ.

ამერიკული ინტერნეტ პორტალის „Buzzfeed“-ის ცნობით, ბოევიკების 3 შუამავალი ჟურნალისტის გვამის გაყიდვას ცდილობს. მათი თქმით, ფოლეის იდენტიფიცირება „დნმ“-ით შეუძლიათ, შემდეგ კი გამოსასყიდის მიღების შემთხვევაში გვამს თურქეთის საზღვართან მსურველს გადასცემენ.

ბოევიკების დაჯგუფების ერთ-ერთი ყოფილი წევრი, რომელსაც ტყვეების გამოსყიდვასთან დაკავშირებით, კონტაქტი ჰქონდა ამერიკელებთან, ჟურნალისტისგან ითხოვა, არ გამოექვეყნებინა ეს მასალა, რადგან ის შიშობს, რომ ამერიკის ხელისუფლება შეეცდება ეს ,,საქმე ჩაშალოს“.

ჟურნალისტის მშობლები ბოევიკების ქმედებით შოკირებული არიან.

ჯეიმს ფოული პირველი ამერიკელი ჟურნალისტი იყო, რომელსაც ისლამური სახელმწიფოს ბოევიკებმა თავი მოჰკვეთეს. ჟურნალისტის მკვლელობის ამსახველი ვიდეო ინტერნეტში მიმდინარე წლის აგვისტოში გაავრცელდა.