უზენაესი სასამრთლოს თამჯდომარე კონსტანტინე კუბლაშვილი სამხრეთ კავკასიაში ეუთო–ს სპეციალური წარმომადგენლის ჟუაო სუარესის განცხადებას ეხმაურება.

მისი თქმით, სასამართლო დღეს თანამედროვე სიტუაციაში მუშაობს ისე, როგორც მას ამის საშუალება ეძლევა.

„მე გუშინ ვთქვი, რომ ჩვენი სასამართლო მუშაობს დღეს თანამედროვე სიტუაციაში, ისე, როგორც მას ეძლევა საშუალება იმ დამოუკიდებლობის ფარგლებში, რომელიც დღეს გვაქვს. ეს დამოუკიდებლობა არის ისეთი მაღალი, როგორიც არასდროს ყოფილა. თუმცა მაინც ვისურვებდი, რომ უკეთესი ყოფილიყო, ვიცი გარკვეული ხარვეზებია, რაც აბრკოლებს იმას, რომ სასამართლო 100 პროცენტით დამოუკიდებელი იყოს“, - განაცხადა კუბლაშვილმა.

ჟუაო სუარესის განცხადებით, „იგი ყურადღებით და შეშფოთებით ადევნებს თვალყურს საქართველოში მიმდინარე შიდა მოვლენებს მართლმსაჯულების სისტემის ბოროტად გამოყენების ინფორმაციის ფონზე“.