შსს-ს საინფორმაციო ანალიტიკური სამსახურის ყოფილი ხელმძღვანელი შოთა უტიაშვილი შინაგან საქმეთა მინისტრის მოადგილის, გიორგი ზედელაშვილის გადადგომას ეხმაურება, უტიაშვილის თქმით, ბოლო დროს მომხდარ გადადგომებს შორის ზედელაშვილის გადადგომა ყველაზე ხმაურიანია.

„ზედელაშვილი იყო პრემიერთან ყველაზე დაახლოებული პირი, ის იყო ერთერთი ყველაზე გავლენიანი პიროვნება, თუ ყველაზე გავლენიანი არა შსს-ში. მისი ჩამოცილება ამ თანამდებობიდან არის იმ ჯაჭვის გაგრძელება, როცა უკვე 8 სხვა მაღალჩინოსნის გადადგომა მოხდა, რომლებიც ასევე განიხილებოდნენ პრემიერის გუნდის წევრებად. ღარიბაშვილის კადრების სხვებით ჩანაცვლებიოს პროცესი გრძელდება, მიუხედავადი იმისა, რომ ჯერ კიდევ გუშინ თქვა პრემიერმა, რომ ეს პროცესი დამთავრდა და მეტი ხმაურიანი გადადგომა აღარ იქნებოდა. ეს არის ყველაზე ხმაურიანი გადადგომა ამ ცხრა გადადგომას შორის“,-განაცხადა შოთა უტიაშვილმა.