უმრავლესობის წევრი ანი მიროტაძე მიიჩნევს, რომ საკადრო გადაადგილებები ჩვეულებრივი მოვლენაა და ამაში გასაკვირი არაფერია.

"მიმაჩნია, რომ ეს არის ჯანსაღი და ცოცხალი პროცესი. როდესაც ხელისუფლებაში ხდება ასეთი ცვლილებები, საკადრო ცვლილებები არის ჩვეულებრივი თანმდევი პროცესი და მემგონი დემოკრატიულ საზოგადოებაში ჩვენ უნდა ვეჩვეოდეთ იმას, რომ ადამიანები უნდა იყვნენ თანამდებობაზე მორგებული და არა პირიქით. თუ არ არის რომელიმე კადრი შესაფერისი ან მან ამოწურა თავისი რესურსი, უნდა წავიდეს და მოვიდეს სხვა. ადრე თუ გვიან ყველა წავალთ ",-განაცხადა მიროტაძემ.