სამთავრობო სტრუქტურებში განხორციელებულ საკადრო ცვლილებებს უმრავლესობის წევრი ლევან ბერძენიშვილი ეხმაურება.

დეპუტატის თქმით, მისთვის უცნობია, თუ რამდენად არის ჩართული ამ პროცესებში ექსპრემიერი ბიძინა ივანიშვილი.

„არამგონია, რომ საჭირო იყოს მოადგილეების და დეპარტამენტის უფროსების მოსახსნელად ბიძინა ივანიშვილის ავტორიტეტი. ამას მთლიანად წვდება პრემიერ-მინისტრი და მისი სამსახური“, - განაცხადა ბერძენიშვილმა.

ცოტა ხნის წინ, პრემიერმა შს მინისტრის მოადგილის პოსტიდან გიორგი ზედელაშვილის გადადგომა დაადასტურა. მისი ინფორმაციით, ამ ადგილზე ვახტანგ გომელაური დაინიშნა, ხოლო ასევე ალექსანდრე ჭიკაიძის მოადგილეები იქნებიან თემურ მღებრიშვილი და არჩილ თალაკვაძე.