„თავისუფალი დემოკრატების“ ერთ-ერთი ლიდერი ირაკლი ჩიქოვანი შს მინისტრის მოადგილის გელა ზედელაშვილის გადადგომასთან დაკავშირებით გავრცელბულ ინფორმაციას ეხმაურება.

მისი თქმით, საქართველოს მთავრობა ვერ აკეთებს საკმარის განმარტებას იმასთან დაკავშირებით, თუ რა ხდება დღეს ქვეყანაში და რამ განაპირობა ის საკადრო ცვლილებები.

„საქართველოს მთავრობა ადეკვატურ და საკმარის განმარტებებს ვერ აკეთებს იმასთან დაკავშირებით, რაც დღეს ქვეყანაში ხდება და რამ განაპირობა ის საკადრო ცვლილებები, რომელიც ერთმანეთთან კონკრეტული ჯაჭვით არის დაკავშირებული. სახეზეა ერთი გუნდის პირდაპირი ჩამოშორება ხელისუფლებიდან და მმართველობიდან, რომელსაც კულუარული გადაწყვეტილებები უდევს საფუძვლად“, - ამბობს ჩიქოვანი „რუსთავი 2“-თან საუბრისას.