სახალხო დამცველის განცხადებით, მისთვის შინაგან საქმეთა სამინისტროდან უსაფრთხოების სამსახურის გამოყოფა მისაღებია, უჩა ნანუაშვილი მიიჩნევს, რომ სამინისტროს დაყოფა სხვადასხვა ფუნქციის შესაბამისად, სისტემას უფრო დაბალანსებულს გახდის.

ნანუაშვილის თქმით, წლების განმავლობაში პრობლემას წარმოადგენდა ის, რომ სისტემა იყო ძალიან მონოლითური და დიდი. იმის საჭიროება, რომ ეს უკანასკნელი დაიშალოს რამდენიმე უწყებად, ძალიან მნიშვნელოვანია.

„რაც უფრო მეტად ბალანსირებული იქნება სისტემა და უფრო მეტი ელემენტი გაჩნდება სისტემის სამოქალაქო მონიტორინგისა, ჩვენ უფრო მეტად შევძლებთ დაახლოებას იმ სტანდარტებთან, რისკენაც მივისწრაფვით,” - განაცხადა სახალხო დამცველმა „კურიერთან" საუბრისას.