,,ივანიშვილი 2-3 თვეში პრემიერს გადააყენებს, პროცესი არ დასრულებულა“

პოლიტიკა - 23:25, 09 Dec, 2014

8667

1 დეკემბერს ბიძინა ივანიშვილთან გამართული ცნობილი შეხვედრის შემდეგ ზვიად ჯანყარაშვილს საქრთველო დაატოვებინეს, - ამის შესახებ გადაცემა "არჩევანში" გაზეთ "პრემირის" რედაქტორმა, გოჩა მირცხულავამ განაცხადა.

"ივანიშვილმა ამ საღამოს დაადასტურა, რომ არა ღარიბაშვილი, არამედ თავად არის პოლიტიკურად უმწიფარი და ასევე დაადსტურა, რომ ღარიბაშვილი არის პოლიტიკურად გამოუცდელი პერსონა," - აცახდებს გოჩა მირცხულავა.

მირცხულავას თქმით, ჯანაყარაშვილის და ჩხენკელის გადაყენებით პროცესი არ დასრულებულა და ივანიშვილი პრემიერსაც მიუჩენს თავის ადგილს.

„ივანიშვილი ამ წუთებში არის აგონიაში და ვერ ხვდება, რა გააკეთა, ჯანყარაშვილი-ჩხენკელის გადაყენებით ეს პროცესი არ დასრულდება და 2-3 თვის შემდეგ ივანიშვილი პრემიერს მიუჩენს ადგილს და გადააყენებს. ბიძინას თავის დროზე მიუტანეს ფაქტები, თუ სად აფათურებდნენ ჯანყარაშვილი, ჩხენკელი და სხვები ხელს ბიზნესში. მაშინ მან ეს არ დაიჯერა, მაგრამ ეს პროცესი გაგრძელდა“, - განაცხადა მირცხულავამ.

როგორც მირცხულავა ამბობს, ივანიშვილთან შეხვედრაზე საუბარი თამაზაშვილზეც იყო. თუმცა, მთავარი ის არის, რომ ეს პროცესი ბევრად უფრო ადრე დაიწყო.

შეგახსენებთ, რომ სწორედ გაზეთმა "პრემიერმა", რომლის რედაქტორია გოჩა მირცულავა, რამდენიმე დღის წინ დაიბეჭდა სტატია ივანიშვილთან გამართული საიდუმლო თათბირის შესახებ.