„თავისუფალი დემოკრატების“ ლიდერის ირაკლი ალასანიას თქმით, მთავრობაში განხორციელებული საკადრო ცვლილებების უკან ექსპრემიერი ბიძინა ივანიშვილი დგას.

ამის შესახებ ალასანიამ გადაცემა „არჩევანში“ განაცხადა.

მისი თქმით, ქვეყანაში ღრმა სახელისუფლებო კრიზისის თავიდან ასაცილებლად ბიძინა ივანიშვილმა მთავრობაზე ასუხისმგებლობა უნდა აიღოს.

„როდესაც ვხედავთ, რომ საკადრო გადაწყვეტილებების უკან დგას ივანიშვილი და როდესაც მთავრობაში ყველაზე სუსტი რგოლი პრემიერი ხდება, ეს არის გამოწვევა ჩვენი ქვეყნისთვის. ესეთი ფიქტიური მმართველი სანდოობას არ იწვევს, ამით ბიზნესგარემო ზიანდება. როდესაც ინვესტორმა იცის, რომ პრემიერს გადაწყვეტილების უნარი არ აქვს და მის მაგივრად გადაწყვეტილებას იღებს ყოფილი პრემიერ-მინისტრი, ეს აზიანებს ქვეყანას. ინვესტორები ამას ხედავენ. ესეთ გარემოს ყველაზე სწრაფად გრძნობს ინვესტორი. ჩემი აზრით აქ სწორი გადაწყვეტილება იქნება თავად ბიძინა ივანიშვილმა აიღოს პასუხისმგებლობა მთავრობაზე და ჩრდილიდან არ მართოს ის. ვინმეს ეჭვი ეპარება, რომ ბიძინა ივანიშვილი მართავს ქვეყანას?“ - განაცხადა ალასანიამ