პრემიერ-მინისტრის თქმით, სამთავრობო გუნდში ცვლილებები არ იგეგმება.

ამის შესახებ ირაკლი ღარიბაშვილმა საგანგებო ბრიფინგზე განაცხადა.

რაც შეეხება მთავრობის ადმინისტრაციაში და შსს-ში განხორციელებულ ცვლიებებს, პრემიერის თქმით, ეს მუშა პროცესია.

„ცვლილებები ამ ეტაპზე დასრულებულია. ის ადამიანები, ვინც მუშაობდნენ თანამდებობებზე, გააკეთეს თავისი სამუშაო და დადგა დრო, რომ სხვა სამსახურში წასულიყვნენ. ეს მუშა პროცესია და მიკვირს რატომ არის ამაზე ამდენი შეკითხვა. მინდა გითხრათ, რომ მე მთვარობის შემადგენლობაში, სამინისტროებში ადამიანებს არ ვყოფ ჩემი და სხვისი გუნდის წევრებად. ჩვენ ვართ ერთიანი გუნდი. ჩვენ ორი თვის განმავლობაში ბევრი ადამიანი შევცვალეთ და რატომ არის ეს ჩემი გუნდის ან სხვისი გუნდის წევრების გადაადგილებები, არ მესმის", - განაცხადა პრემიერმა.