ოკუპირებული ტერიტორიებიდან იძულებით გადაადგილებულ პირთა, ლტოლვილთა და განსახლების მინისტრის სოზარ სუბარის განცხადებით, მინისტრტა კაბინეტში ცვლილებები არ იგეგმება.

დევნილთა მინისტრი იმ ინფორმაციასაც გამოეხმაურა, რომლის მიხედვითაც პრემიერ-მინისტრი საკადრო ცვლილებებისგან თავს იკავებს, იმიტომ, რომ მას პარლამენტის ნდობის მოპოვება გაუჭირდება. სუბარი აცხადებს, რომ მთავრობას ნდობის მოპოვების პრობლემა არ აქვს და ეს ე.წ. ფარული მოსმენების შესახებ კანონპროექტზე მხარდაჭერამაც დაადასტურა.

"ნამდვილად არანაირი ცვლილებები არ იგეგმება. პარლამენტში ნდობის მოპოვება არ ჭირს და ეს ერთი კვირის წინ განვითარებულმა მოვლენებმაც აჩვენა", - განაცხადა სოზარ სუბარმა.