ჟენევაში მოლაპარაკებების ოცდამეათე რაუნდი მიმდინარეობს, სადაც ქართული დელეგაციის ახალმა წევრებმა, საქართველოს ტერიტორიების ანექსიისკენ მიმართულ რუსეთის ქმედებებზე, განცხადებები გააკეთეს .

საგარეო საქმეთა მინისტრის მოადგილის დავით დონდუას თქმით, ბოლო დროს მომხდარმა მოვლენებმა ნათლად გვიჩვენა, რომ მხოლოდ ვალდებულება ძალის არ გამოყენებაზე არ არის ეფექტური, აუცილებელია პროცესში ჩაერთოს უსაფრთხოების საერთაშორისო მექანიზმები, რადგან ჰიბრიდული ომის ტაქტიკა აჩვენებს, რომ ტერიტორიების ანექსია სრულიად შესაძლებელია ძალის გამოყენების გარეშეც.

შერიგებისა და სამოქალაქო თანასწორობის საკითხებში სახელმწიფო მინისტრის მოადგილის ქეთი ციხელაშვილის განცხადებით, ქართული მხარე კიდევ ერთხელ ცალსახად დააფიქსირებს პოზიციებს და დაგმობს რუსეთ-აფხაზეთის შეთანხმებას, ასევე მოუწოდებს საქეთაშორისო თანამეგობრობას მოხდეს ზეწოლა რუსეთზე, იმისთვის, რომ მან პატივი სცეს საქართველოს სუვერენიტეტს. ეს შეთანხმება უგულვებელყოფს საქართველოს ევროპულ მისწრაფებებს.