„თავისუფალი დემოკრატების“ ლიდერი ირაკლი ალასანია ირაკლი ღარიბაშვილს ქვეყნის ფიქტიურ მმართველს უწოდებს.

ამის შესახებ ალასანიამ სამების საკათედრო ტაძარში განაცხადა, სადაც ის ბაბუშერას ტრაგედიის დროს დაღუპული გმირების სამოქალაქო პანაშვიდს დაესწრო.

მისი თქმით, თუ ბიძინა ივანიშვილის მიერ დამკვიდრებული მმართველობის სტილი არ შეიცვლება, ქვეყანა სერიოზული პრობლემების წინაშე აღმოჩნდება.

„სისტემური ცვლილება უნდა განხორციელდეს. დაპირისპირების შემდეგ მიღებული გადაწყვეტილებები კიდევ ერთხელ მიუთითებს, რომ პრემიერი არის ფიქტიური ფიგურა და ყველა გადაწყვეტილებას იღებს ბიძინა ივანიშვილი. საერთაშორისო საზოგადოებაში ჩნდება ბევრი შეკითხვა სწორედ ბოლო დროს განვითარებულ პროცესთან მიმართებაში“, - განაცხადა ალასანიამ.