გენერალ გიგი კალანდაძის თქმით, მას რცხვენია, რომ თეა წულუკიანი ქვეყნის იუსტიციის მინისტრია.

ამის შესახებ კალანდაძე „ფეისბუქის“ საკუთარ გვერდზე წერს.

"მიუხედავად ასაკისა, თეა წულუკიანი ადრეული ჰომო სოვიეტიკუსის ადრეულ ვარიანტს უფრო გვაგონებს - ნიკოლაი ეჟოვის ეპოქის შესაფერისს. მრცხვენია რომ ეს ადამიანი ჩემი ქვეყნის იუსტიციის მინისტრია",-წერს კალანდაძე.

იუსტიციის მინისტრი თეა წულუკიანი, გენერალ გიორგი კალანდაძესთან დაკავშირებით, სააპელაციო სასამართლოს გადაწყვეტილებას გამოეხმაურა.

მისი თქმით, სასამართლოს გადაწყვეტილება მისთვის, როგორც მხარისთვის სასიხარულოა.

თბილისის სააპელაციო სასამართლომ 2014 წლის 8 დეკემბრის გადაწყვეტილებით გიორგი კალანდაძის სააპელაციო საჩივარი არ დააკმაყოფილა. კალანდაძე, იუსტიციის მინისტრ თეა წულუკიანისაგან ითხოვდა მისი პატივის, ღირსებისა და საქმიანი რეპუტაციის შემლახავი განცხადებების უარყოფას და მორალური ზიანის ანაზღაურებას.