სამების საკათედრო ტაძარში დღეს საქართველოს პრეზიდენტმა ბაბუშერას ტრაგედიისას დაღუპულთა ხსოვნას პატივი მიაგო.

პრეზიდენტის თქმით დღეს საქართველო კიდევ ერთხელ მიაგებს პატივს იმ გმირებს, რომლებმაც საქართველოს ერთიანობას სიცოცხლე შესწირა.

„ყველას გვახსოვს, რომ იყო ბევრი გმირობა. დარჩა დიდი ტკივილი, მაგრამ მე მიხარია, რომ ჩვენ ვდგამთ ნაბიჯებს ამ ჭრილობის მოსაშუშებლად. მინდა მადლობა ვუთხრა ყველა იმ ადამიანს, ვინც მონაწილეობდა ამ ადამიანების გადმოსვენებაში და ვინც მონაწილეობს ჩვენი საერთო ტრაგედიის ჭრილობების მოშუშებაში“, - განაცხადა გიორგი მარგველაშვილმა.