საქართველოს ფინანსთა მინისტრი შემოსავლების სამსახურის უფროსის წასვლასთან დაკავშირებით კომენტარს აკეთებს, მისი თქმით ირაკლი გვარამაძე ეფექტურად მართავდა საგადასახადო სისტემას, მაგრამ სამუშაოს სირთულემ გადააწყვეტინა მას თანამდებობა დაეტოვებინა.

მინისტრის თქმით, ფინანსთა სამინისტროს სისტემაში სხვა საკადრო ცვლილებები არ განხორციელდება და არც მთავრობაში იგეგმება რაიმე სახის ცვლილება რადგან გუნდი კარგად მუშაობს.

„შემოსავლების სამსახურის ხელმძღვანელმა მოგვმართა თხოვნით გადადგომის თაობაზე. ძალიან რთული სამუშაოა მოგეხსენებათ და ჩვენ დავაკმაყოფილეთ ირაკლი გვარამაძის თხოვნა. მადლობა გადავუხადეთ მას გაწეული სამუშაოსთვის და გეტყვით, რომ ერთ-ერთ სწორედ ირაკლის დამსახურებაა, რომ საგადასახადო შემოსავლები წელს გადაჭარბებით შესრულდა“, - განაცხადა ნოდარ ხადურმა.