ამერიკის შეერთებული შტატების ელჩი საქართველოში, რიჩარდ ნორლანდი მიიჩნევს, რომ ჟენევის 30-ე რაუნდის ფარგლებში ყურადღება უნდა გამახვილდეს ოკუპირებულ ტერიტორიაზე შექმნილ ვითარებაზე.

ნორლანდი კიდევ ერთხელ განმარტავს, რომ აშშ რუსეთსა და აფხაზეთს შორის გაფორმებულ ე.წ. შეთანხმებას არ აღიარებს.

„ამერიკის შეერთებული შტატები კარგად არის ინფორმირებული, რამდენიმე კვირის მოვლენების შესახებ და ამ მხრივ ჩვენი პოზიცია მკაფიოა. აშშ არ აღიარებს ე.წ. შეთანხმებას, არ ვაღიარებთ მის ლეგიტიმურობას. მნიშვნელოვანია, რომ ჟენევის 30-ე რაუნდის მონაწილეების ყურადღების ცენტრში იყოს არა მხოლოდ მაღალი პოლიტიკური მნიშვნელობის საკითხები, არამედ ის ჰუმანიტარული მდგომარეობა, რომელიც შექმნილია ოკუპირებულ ტერიტორიებზე", - განაცხადა რიჩარდ ნორლანდმა.