გერმანიის საგარეო საქმეთა მინისტრი ფრანკ ვალტერ შტაინმაიერი საქართველოს პრეზიდენტს გიორგი მარგველაშვილს ხვდება, შეხვედრაზე საუბარი შეეხება იმ უსაფრთხოებასთან დაკავშირებულ პრობლემებს , რომელიც მსოფლიოში შეიქმნა, განსაკუთრებით კი იმ გამწვავებულ ვითარებაზე , რომელიც არის რეგიონში. პრეზიდენტის და გერმანიის საგარეო უწყების ხელმძღვანელის შეხვედრაზე განიხილავენ უკრაინაში შექმნილ ვითარებას და იმ სიტუაციას რომელშიც საქართველო აღმოჩნდა მას შემდეგ რაც რუსეთმა, ოკუპირებულ აფხაზეთთან ე.წ ხელშეკრულება გააფორმა და იგივეს აპირებს ოკუპირებულ ცხინვალის რეგიონთან დაკავშირებითაც.

„მოხარული ვარ ვუმასპინძლო უკვე მეორედ ბატონ შტაინმაიერს, ქართულ-გერმანული ურთიერთობები ღრმავდება, მნიშვნელოვანია გერმანიასთან ურთიერთობების გაფართოება, განსაკუთრებით ევროინტეგრაციის გზაზე. უსაფრთხოების გარემოს კუთხით წელს ბევრი შეკითხვა გაჩნდა. ვგულისხმობ ვითარებას უკრაინაში, გართულდა სიტუაცია აფხაზეთსა და სამხრეთ ოსეთში. იმედია, რომ ის პრობლემები რაც 2014 წელს წარმოიშვა 2015 წელს მშვიდობიანად მოგვარდება.