შინაგან საქმეთა სამინისტროს გურიის მთავარმა სამმართველომ, გუშინ, ლანჩხუთში მომხდარ ინცინდენტზე, როდესაც ერთი ჯგუფი სამაუწყებლო კომპანია "რუსთავი 2"-ის გადამღებ ჯგუფს თავს დაესხა, წინასაგამოძიებო ქმედებები დაიწყო.

ამ წუთებში დაკითხვაზე "რუსთავი 2"-ის ოპერატორი, ლერი ხინთიბიძე იმყოფება, რამდენიმე წუთის წინ, გურიის სამხარეო პოლიცია, 'რუსთავი 2"-ის კორესპონდენტმა ვლადიმერ მენაბდემ დატოვა.

წინასაგამოძიებო ქმედებებს, რომელიც დღეს დაიწყო, გამომძიებელი თედო ჭანუყვაძე აწარმოებს.

დღის ბოლოს, პოლიციაში ლანჩხუთის გამგებელს, ზაზა ურუშაძეს და მის ახლობელს, ნუგზარ ცინცაძეს, მეტსახელად "ცანცუას" დაკითხავენ.

შეგახსენებთ, რომ გუშინ, ლანჩხუთში, მუნიციპალიტეტის გამგებლის, ზაზა ურუშაძის "მარჯვენა ხელი", ლანჩხუთის საფეხბურთო კლუბ "გურიას" არაოფიციალური ხელმძღვანელი, ნუგზარ ცინცაძე, რუსთავი 2"-ის გადამღებ ჯგუფს, ("ევგრაფი შევარდნაძის" სახელობის სტადიონზე,) უმაღლესი ლიგის ეგიდით გამართული მატჩის დასრულების შემდეგ დაუპირისპირდა და თვს დაესხა. ცინცაძე ოპერატორს გადაღების საშუალებას არ აძლევდა. ადგილი ჰქონდა მუქარას და სიტყვიერ შეურაცხყოფას.

მომხდარი ფაქტილანჩხუთის მუნიციპალიტეტის გამგებელმა, ზაზა ურუშაძემ, კატეგორიულად უარყო და განაცხადა, რომ მატჩს ესწრებოდა თუმცა იქ მსგავსი არაფერი მომხდარა.

„მსგავსი არაფერი არ მინახავს და პოლიციაც ესწრებოდა, სასვე იყო იქ პოლიციით იქაურობა არაფერი ჩემამდე არ მოსულა ეგეთი ამბავი. ასეთ რამ თუ მოხდარა, არ მესმის რატომ არ გამაგებინა მენაბდემ. ხალხი დაიშალა, ჩამოვედი და არაფერი გამიგია. ამისთვის არსებობს სამართალდამცველი ორგანოები და ვინც მიაყენა შეურაცხყოფა, პასუხს აგებს ყველა, ვინც არ უნდა იყოს ის“-თქვა ურუშაძემ.

თეა იოსელიანი - გურია