პარტია „ქართული ოცნების“ პოლიტიკური მდივნის არმაზ ახვლედიანის ინფორმაციით, მთავრობაში საკადრო ცვლილებები გაგრძელდება.

მისი თქმით, აღმასრულებელ ხელისუფლებაში ეს ჯანსაღი პროცესია.

„საკადრო ცვლილებებს კიდევ უნდა ველოდოთ. ის აუცილებელია. კარგადაც, რომ მუშაობდეს ესა თუ ის მოხელე, მაშინაც უნდა შეიცვალოს. ყოველთვის საჭიროა ახალი სისხლი, განსაკუთრებით იმ ვითარებაში, როგორშიც ჩვენ ვიმყოფებით. მნიშვნელობა არ აქვს ვინ იქნება „ქართული ოცნების“ აღმასრულებელი მდივნის პოსტზე ზვიად ჯანყარაშვილის შემცვლელი. ჩვენდა საბედნიეროდ, საქართველოში არის ათეულობით სხვადასხვა ასაკის არაჩვეულებრივი ადამიანი, ვისაც მართვა შეუძლია. მთავარია იყოს არსით დემოკრატი და იცოდე რას ნიშნავს წესრიგი“, - განაცხადა ახვლედიანმა.