საქართველოს თავდაცვის მინისტრის თქმით, ჯერ არ ყოფილა ფაქტი, რომ ქართველ ოფიცრებს ქვეყანა დაეტოვებინოთ და სხვა ქვეყნის შეიარაღებულ ძალებში დაეწყოთ სამსახური.

ამის შესახებ ჯანელიძემ ექს-პრეზიდენტის, მიხეილ სააკაშვილის კომენტარის საპასუხოდ განაცხადა.

"ქართველი ოფიცრები მსახურობენ ჩვენი შეიარაღებული ძალების შემადგენლობაში, ისინი აგრძელებენ სამსახურს და იცავენ ქვეყანას. ვერ დამისახელებთ ვერც ერთ ფაქტს, როდესაც ჩვენი შეაიარაღებული ძალების ოფიცერმა დატოვა სამსახური და გაემგზავრა სხვა ქვეყანაში", - განაცხადა ჯანელიძემ.

მიხეილ სააკაშვილის თქმით, ქართველ ოფიცრებს, რომლებიც უკრაინის შეიარაღებულ ძალებში იმსახურებენ, უკრაინის მოქალაქეობას ჰპირდებიან.