საგარეო საქმეთა სამინისტროს პრესსპიკერის, დავით კერესელიძის განცხადებით, რეფორმების განხორციელებაში უკრაინის დახმარებას საქართველოს მთავრობაც გეგმავს.

დღს საგარეო უწყებაში გამართულ ტრადიციულ ბრიფინგზე, უკრაინის მთავრობაში დანიშნულ ყოფილ ქართველ მაღალჩინოსნებს წარმატება უსურვეს.

დავით კერესელიძის თქმით, ნებისმიერი თანამდებობა, რომელსაც უკრაინა საქართველოს შესთავაზებს, ეს ქვეყნის სუვერენული უფლებაა.

„ამაზე ვერაფერს ვიტყვით და ვუსურვებთ მათ წარმატებებს. ჩვენ ჩვენის მხრივ ყველა ძალისხმევას მივმართავთ, რომ დავეხმაროთ უკრაინას რეფორმების განხორციელებაში და იმ გამოწვევებში, რომლის წინაშეც უკრაინა დგას“, - განაცხადა დავით კერესელიძემ.

კერესელიძემ უკრაინაში საქართველოს პრემიერ-მინისტრის დაგეგმილ ვიზიტთან დაკავშირებითაც ისაუბრა და განაცხადა, რომ ამ მიმართულებით სამუშაოები მიმდინარეობს, თუმცა კონკრეტული დეტალები ამ ეტაპზე ზუსტდება.