შინაგან საქმეთა მინისტრის ყოფილი მოადგილის გია ლორთქიფანიძის განცხადებით, მის სახლთან ასაფეთქებელი მოწყობილობის დამონტაჟებით, კონტრტერორისტული ცენტრი იმის დამტკიცებას შეეცადა, თითქოს ჩეჩნებს მის მიმართ ლაფანყურის გამო შურისძიება სურდათ:

„მოგეხსენებათ, ლაფანყურის ოპერაცია, როცა განხორციელდა მე მაშინ შინაგან საქმეთა მინისტრის მოადგილე ვიყავი, გარკვეულწილად ვკურირებდი იმ სფეროს და იმ დანაყოფს, რომელიც მონაწილეობას იღებდა ამ ღონისძიებაში, ამას გაგრძელებები მოყვა იმ კუთხით, რომ კეთდებოდა უაზრო , ანტისახელმწიფოებრივი და დაუფიქრებელლი განცხადებები, რომ ამას მოჰყვება შურისძიება და ამის გამო სისხლი დაიღვრება. სახლთან დადეს ასაფეთქებელი მოწყობილობა და იმავე ღამეს დაყარეს ჭორები რომ ეს შურისძიების გამო მოხდა. მე და პარლამენტის წევრმა ნადირაშვილმა გავაკეთეთ განცხადებები, რომ ჩვენ გვქონდა ინფორმაცია ვისი დავალებით მოხდა ამ ასაფეთქებელი მოწყობილობის დადება, გვეგონა გამოხმაურება ექნებოდა შსს-დან, მაგრამ არავის დავუკითხივარ ამასთან დაკავშირებით“- აცხადებს გია ლორთქიფანიძე ეკა კვესიტაძესთან ინტერვიუში.