თავდაცვის ყოფილი მინისტრი ირაკლი ალასანია ლარის კურსთან დაკავშირებით პრემიერის და მთავრობის წევრების განცხადებებში ვითარების გამოსწორების ხედვას ვერ ხედავს.

ამის შესახებ ალასანიამ გადაცემა „პირველ სტუდიაში“ განაცხადა.

„ჩემი აზრით ლარის კურსთან დაკავშირებით, პრემიერის განცხადება ცოტა დაგვიანებულია. ვერც პრემიერის და ვერც ხელისუფლების სხვა წარმომადგენლის განცხადებაში ვერ დავინახე ვითარების გამოსწორების ხედვ. როდესაც საუბარია, რომ პანიკამ არ უნდა აიტანოს საფინანსო მდგომარეობა, პირვლ რიგში განპირობებული უნდა იყოს იმით, რომ მთავრობის და პრემიერ-მინისტრის მხრიდან სწორი შეფასებები წამოვიდეს. მათ უნდა დაანახონ საზოგადოებას, თუ რა პრობლემასთან გვაქვს საქმე და როგორ მოხდება ამ პრობლემის გამოსწორება. ეს ნამდვილად ვერ დავინახე“, - აცხადებს ალასანია.