საგარეო საქმეთა ყოფილი მინისტრი, გრიგოლ ვაშაძე ,,ქართულ ოცნებაში" განხორციელებულ საკადრო ცვლილებებს ,,ფეისბუქზე" ეხმაურება.

"ოცნებების", უკიდეგანო დაპირებების, უსაქმურობის და არაპროფესიონალიზმის გამო კომუნალური ბინა 41-ის ხელისუფლებაში მოსვლის ორი წლის თავზე საქართველომ შედეგად უმძიმესი პოლიტიკური და ეკონომიკური კრიზისი მიიღო.

დამნაშავე, დღევანდელი "მთავრობის" აზრით, როგორც ყოველთვის, - "გარე ფაქტორები" და ოპოზიციაა; სიტუაციის გამოსწორების მთავარი მეთოდი - საკადრო ცვლილებები, ანუ უკანალების და სავარძლების ურთიერთშეხების წერტილების ცვლილება.

"ხელისუფლების" პოლიტიკის მომავალი რეზულტატები კი ყველას კარგად ესმის "ხელისუფლების" გარდა.

ერთი ოროსანის მეორით შეცვლა ვეღარაფერს გამოასწორებს.

სახელმწიფოს პროფესიონალი, ეროვნული თანხმობის მთავრობა სჭირდება.

P. S. ისე, გული მწყდება, რომ ჯანყარაშვილმა ვერ მოასწრო "ევროპული ტიპის სოციალ-დემოკრატიული პარტიის" შექმნა. მინდოდა მენახა, როგორ გადაიხდიდა მაგალითად კალაძე 78%-იან საშემოსავლო გადასახადს. თვითმხილველები ამტკიცებენ, რომ მარქსის, ენგელსის, ბერნშტეინის და კაუტსკის აჩრდილები დაძრწიან ევროპაში და მოსთქვამენ: "ჯანყარაშვილი, wo bist du?“- წერს გრგოლ ვაშაძე