საქართველოს პრეზიდენტი მიიჩნევს, რომ ბიძინა ივანიშვილმა პოლიტიკაში მის გავლენაზე ღიად უნდა ილაპარაკოს.

ამის შესახებ გიორგი მარგველაშვილმა პოლონეთში, საერთაშორისო ურთიერთობათა ცენტრში, ექსპერტებთან შეხვედრისას განაცხადა.

„ჩვენთან იყო ხანგრძლივი პოლიტიკური დაპირისპირება სააკაშვილსა და „ნაციონალურ მოძრაობასთან“. იყო ოპოზიცია და ბევრი ლიდერი, რომელიც მას უპირისპირდებოდნენ მისი პოლიტიკის გამო. თუმცა ეს ძალიასხმევა სუსტი იყო. შემდეგ გამოჩნდა კაცი, რომელმაც ყველა ეს ჯგუფი ერთიან ფრონტად ჩამოაყალიბა. ჩატარდა სამართლიანი არჩევნები. ერთი წლის შემდეგ ივანიშვილმა დატოვა თანამდებობდა და დაიყო მოქმედება, როგორც კერძო პირმა. ეს არის ძალიან საინტერესო პროცესი, არა მხოლოდ საქართველოსთვის. მის ჩართულობას და შეფასებას დიდი გავლენა აქვს. როგორ შეიძლება ჩამოვართვათ მოქალაქეს საშუალება, რომელსაც ცუდი არაფერი გაუკეთებია, რომ თუნდაც ერთი სიტყვა თქვას პოლიტიკაზე. გამოსავალი არის ის, რომ ივანიშვილმა უფრო ღიად ილაპარაკოს და თქვას, რომ მას რეალურად აქვს გავლენა პოლიტიკაზე“, - განაცხადა პრეზიდენტმა.