„ნიუპოსტის“ ინფორმაციით, რეგიონალური განვითარებისა და ინფრასტრუქტურის მინისტრად დავით შავლიაშვილს მისი ახლადდანიშნული მოადგილე ნოდარ ჯავახიშვილი ჩაანაცვლებს.

ინფორმაციის გადასამოწმებლად „ნიუპოსტი“ ჯავახიშვილს დაუკავშირდა, რომელმაც განაცხადა, რომ აღნიშნული შესახებ არაფერი იცის.

„ეს ინფორმაცია პირველად მესმის. რაც შეეხება ჩემს ახალ თანამდებობას, შემოთავაზება დაახლოებით ერთი კვირის წინ მქონდა. ინფრასტრუქტურის სამინისტროში გაყიდვების და ტენდერების სფეროს მივხედავ. რაც შეეხება მინისტრთან ჩემს ურთიერთობას, ბატონ დავითთან აქამდე ურთიერთობა არ მქონია“, - განუცხადა „ნიუპოსტს“ ნოდარ ჯავახიშვილმა.

მისივე თქმით, ჯერჯერობით უცნობია თუ ვინ დაიკავებს „ქართუ ბანკის“ პრეზიდენტის პოსტს.

გავრცელებული ინფორმაციით, ბიძინა ივანიშვილი ნოდარ ხადურის მუშაობითაც უკმაყოფილოა, რის გამოც შესაძლოა ფინანსთა მინისტრიც შეიცვალოს.

აღმასრულებელ ხელისუფლებაში რამდენიმე საკადრო ცვლილება უკვე განხორციელდა.