გაზეთი „ალია“ თავის წყაროზე დაყრდნობით წერს, რომ მზადდება სქემა, რომელიც შეიწირავს ეკონომიკური ბლოკის რამდენიმე გავლენიან ჩინოვნიკს.

„იმის მიუხედავად, რომ ბიძინა ივანიშვილმა განაცხადა, განსაკუთრებული არაფერი ხდებაო, ძალიან გაბრაზებული ყოფილა იმაზე, რომ სისტემა არ მუშაობს. მას გარემოცვა სულ ფეხებზე ჰკიდია, ბიძინასთვის მთავარია, სისტემამ იმუშაოს. მაგალითად, ბიძინა ივანიშვილის ოთახში შუქი რომ არ აინთოს, შეიძლება იქაურობა დაანგრიოს“- წერს „ალია“

ივანიშვილი ვერ მიდის იმ ნაბიჯზე, რომ დაშალოს პარლამენტი, მას რაღაც აჩერებს, წყაროს მტკიცებით ივანიშვილი არ არის კმაყოფილი არსებული გუნდით, არც პარლამენტში და არც აღმასრულებელ ხელისუფლებაში და სერიოზულ სვლაზე ფიქრობს. უმრავლესობა, რომელიც ფაქტობრივად გია ვოლსკისა და მანანა კობახიძის იმედადღა დარჩა , ბიძინა ივანიშვილის კრიტიკას ვეღარ უძლებს. უახლოეს დღეებში მოედნის გასუფთავება იწყება, ამ პროცესს კი რამდენიმე ფიგურანტი შეეწირება, მათ შორის ალბათ ნოდარ ხადურიც. ივანიშვილს კითხვები აქვს ინფრასტრუქტურის მინისტრ ირაკლი შავლიაშვილთანაც, წყაროს თქმით სამინისტროს უამრავი ფული დარჩა ასათვისებელი და დასახმარებლად იმათ უძახიან ვინც „ნაციონალური მოძრაობის“ დროს აკეთებდა ინფრასტრუქტურულ პროექტებს , იმიტომ , რომ იციან საქმე ამათგან განსხვავებით- აცხადებს წყარო.

წყარო გაზეთი "ალია"