"გადადებული ოცნება", რუსული საფრთხე და ივანიშვილის როლი...

"გადადებული ოცნება", რუსული საფრთხე და ივანიშვილის როლი... - The Economist-ი საქართველოს შესახებ

პოლიტიკა - 12:19, 05 Dec, 2014

2785

საქართველოს ყველაზე მდიდარი ადამიანის, ბიძინა ივანიშვილის "ქართული ოცნების" არჩევნებში გამარჯვებიდან ორი წლის შემდეგ, ქვეყნის პოლიტიკა არაკომპეტენტურობისა და შურისძიების მავნე ნაზავია. ნათქვამია The Economist-ის სტატიაშია ნათქვამი.

როგორც სტატიაშია აღნიშნული, საქართველოს, მიხეილ სააკაშვილის პრეზიდენტობისას ბევრი ნაკლი ჰქონდა, მაგრამ მისი ხელისუფლების პირველ წლებში ქვეყანა იდეებით, პროექტებითა და რეფორმებით იყო ხმაურიანი.

„ბიძინა ივანიშვილმა, რომელიც მიხეილ სააკაშვილს გუნდს გაუმჭვირვალობის გამო აკრიტიკებდა და თავს ესხმოდა, თვითონ არანაკლებ გაუმჭვირვალე, ერთგვარი ჩრდილოვანი სახელმწიფო შექმნა", - წერს გამოცემა და აღნიშნავს, რომ „მიუხედავად იმისა, რომ ივანიშვილს ოფიციალური თანამდებობა აღარ აქვს, ის ქვეყანაში მაინც გადაწყვეტილების მიმღებ ყველაზე მნიშვნელოვან პირად რჩება. იგი პერიოდულად ეშვება ხოლმე თბილისის თავზე, მთაზე განლაგებული თავისი სამფლობელოდან, რათა პოლიტიკური ნება აისრულოს".

"დღევანდელი საქართველო უმოქმედო და დაბნეულია, რომელსაც მიმართულება არ აქვს", - ნათქვამია ბრიტანული გამოცემის სტატიაში.

სტატიის ავტორები ასევე ციტირებენ საქართველოს პარლამენტის წევრის თინა ხიდაშელის კომენტარს, რომელიც აცხადებს, რომ ბიძინა ივანიშვილის საქმეებში ჩარევის გარეშე, საქართველოში მოვლენები დღესდღეობით უფრო უარესად იქნებოდა.

ავტორის შეფასებით, რუსეთთან ურთიერთობების გაუმჯობესების მიუხედავად, საქართველო ახლა უფრო მეტად დგას საფრთხის წინაშე, რადგან თუ უკრაინა დაიშლება რუსეთის ზეწოლის გამო, მოსკოვის მომდევნო სამიზნე შესაძლოა საქართველო გახდეს.

ვლადიმერ პუტინი საქართველოს განიხილავს არა როგორც დამოუკიდებელ სახელმწიფოდ, არამედ როგორც რუკად რუსეთ-დასავლეთის დიდი თამაშისათვის, წერს გავლენიანი ბრიტანული გამოცემა.

სარედაქციო სტატიაში აღნიშნულია, რომ საქართველოს წინააღმდეგ რუსეთის სამხედრო ჩარევა ჯერ კიდევ არაა გამორიცხული, მაგრამ ამჟამად კრემლი, როგორც ჩანს, უფრო მეტად საქართველოს პოლიტიკური სისუსტით ისარგებლებს, როგორც ეს უკრაინასთან მიმართებით გააკეთა.

სტატიის თანახმად, კრემლის მხრიდან სამხედრო ინტერვენცია არასდროს არ არის გამორიცხული, იმ შემხვევაში, თუ რუსეთი თავისი გავლენის სფეროში საქართველოს შეტყუებას ვერ მოახერხებს, მაშინ მოსკოვი სიტუაციის დესტაბილიზებას ისე მოხდენს, რომ ევროპისათვის რაც შეიძლება უსიამოვნო და მწარე იყოს. ბოლო ორი წლის განმავლობაში საქართველოში მომხდარი მოვლენები ამ ამოცანის რეალიზებას აადვილებს, წერს გამოცემა.