უკრაინის ჯანდაცვის მინისტრი, ალექსანდრე კვიტაშვილი, გვიან ღამით თბილისში ჩამოვიდა. ახლადდანიშნულმა მინისტრმა ჟურნალისტებთან იმ გეგმებზე ისაუბრა, რომლის განხორციელებასაც უკრაინის ჯანდაცვის სფეროში აპირებს.

კვიტაშვილის თქმით იგი მზად არის შეხვდეს ღარიბაშვილს უკრაინაში ვიზიტისას, თუ ეს პროტოკოლით იქნება გათვალისწინებული.

„ჩამოვედი, რომ ჩემი პირადი ნივთები წავიღო. უკრაინაში ამ ეტაპზე დაძაბული ვითარებაა, ბიუჯეტის მიღებაა საჭირო, ასევე საჭიროა ანტიკრიზისული პროგრამის გატანა. რაც შეეხება უკრაინის მინისტრთა კაბინეტს, ძლიერი გუნდია. სრულად ინგლისურენოვანი კაბინეტი ჰყავს უკრაინას. რაც შეეხება ზურაბ ადეიშვილს, ამ თემაზე, გარდა ქართული საინფორმაციოებისა, ოფიციალური კომენტარი არავისგან მომისმენია“, - განაცხადა კვიტაშვილმა.