„თავისუფალი დემოკრატების“ ლიდერი ირაკლი ალასანია ექსპრემიერის ბიძინა ივანიშვილის მიერ მისი მისამართით გაკეთებულ განცხადებებს გამოეხმაურა.

ყოფილი მინისტრის თქმით, მან და ივანიშვილმა ერთმანეთის მიმართ პოზიციების საჯაროდ რამდენჯერმე დააფიქსირეს და ღია ეთერებში კინკლაობა საჭირო აღარ არის.

„აღარ არის საჭირო ასეთი კინკლაობა ღია ეთერებში. ორივემ დავაფიქსირეთ ჩვენი პოზიციები პრივატულ საუბარშიც და საჯაროდაც. ახლა საჭიროა, გავიხედოთ მომავალში და გამოვასწოროთ ის შეცდომები, რომლებიც ქვეყანას გახდის უფრო დემოკრატიულს. "თავისუფალი დემოკრატები" მთავარ პოლიტიკურ საყრდენს გავიჩენთ შეთავაზებებში და ხელისუფლებას იმ ხარვეზებს გამოვასწორებინებთ, რომლებიც დღეს აქვს", - განაცხადა ალასანიამ ნატო-ს გენერალური მდივნის სპეციალურ წარმომადგენელთან, ჯეიმს აპატურაისთან შეხვედრის შემდეგ.