kavkazcenter.com- ის გავრცელებული ინფორმაციით ჩეჩნეთის დედაქალაქის რამდენიმე რაიონში სროლის ხმა ისმის.

ჩეჩნეთის პრეზიდენტის დაპირების მიუხედავად , რომ ქვეყნის დამოუკიდებლობის მომხრე მეამბოხეებს სწრაფად გაანადგურებდა, გროზნოს ქუჩებში სროლა ამ დრომდე მიმდინარეობს.

ამ დროისთვის კადიროვის ძალოვანების წინააღმდეგ მებრძოლი , დამოუკიდებლობის მომხრე მეამბოხეების ზუსტი რაოდენობა დაუდგენელია. სხვადასხვა წყაროების მიხედვით მათი რაოდენობა 10- დან 100 კაცამდეა. ადგილობრივ მაცხოვრებლებში კი ვრცელდება ხმა, რომ ისინი შეიძლება გაცილებით ბევრნი იყვნენ.

ბრძოლების გამო თითქმის მთლიანად განადგურდა გამომცემლობის შენობა სადაც მეამბოხეები აფარებდნენ თავს და ასევე დაიწვა კადიროვის სავაჭრო ცენტრი „ბერკატი“, ამჟამად ბრძოლა მე-20 სკოლის რაიონში მიმდინარეობს, რის გამოც სკოლის შენობას ცეცხლი გაუჩნდა.

მედიაში გავრცელებული ინფორმაციით, ჩეჩნეთის პრეზიდენტი რამზან კადიროვი ღამით მოსკოვში გადაფრინდა რათა დილით პუტინის გამოსვლას დასწრებოდა, რამდენიმე საათში კი ისევ ჩეჩნეთში დაბრუნდა.