პარლამენტის თავმჯდომარის თქმით, ჯეიმს აპატურაი თავდაცვის სამინისტროში ვიზიტის შემდეგ დარწმუნდა, რომ ამ უწყებას კურსი არ შეუცვლია.

ამის შესახებ დავით უსუფაშვილმა ნატოს გენერალური მდივნის სპეციალურ წარმომადგენელთან შეხვედრის შემდეგ განაცხადა.

მისი თქმით, შეხვედრაზე თავდაცვის სამინისტროში ბოლო დროს განვითარებულ მოვლენებზეც ისაუბრე.

„აპატურაიმ თქვა, რომ საერთაშორისო საზოგადოება საქართველოსგან მეტ სტაბილურობასა და მეტ დაფიქრებას ელოდება ისეთ დროს, როდესაც მსგავსი საკითხები ხდება ხოლმე. ჩვენ ვისაუბრეთ იმაზეც, რომ 2016 წელი მნივნელოვანია როგორც ქვეყნის შიგნით, ისე ქვეყნის გარეთ. 2016 წლის გაზაფხულზე ნატო-ს მორიგი სამიტია დაგეგმილი, ამ დროისთვის ნატო სასწავლო ცენტრისა და სხვა ღონისძიებების თაობაზე ჩვენი მხრიდან პროგრესს ელის. მეც ვუთხარი, რომ 2016 წელი მნიშვნელოვანია, რადგან საპარლამენტო არჩევნებია და ჩვენი გუნდი ყველაფერს ვაკეთებთ იმისთვის, რომ პირნათლად შევხვდეთ მნიშვნელოვან მოვლენას ყველა მიმართულებით", - განაცხადა უსუფაშვილმა.