,,შეთანხმება ფულზე გაიყიდა... სააკაშვილსა და პოროშენკოს შორის გარიგება შედგა“

პოლიტიკა - 13:33, 04 Dec, 2014

2927

თავდაცვის სამინისტროს ყოფილი მაღალჩინოსნის ტრისტან წითელაშვილის გამცხადებით უკრაინაში სააკაშვილის მთავრობის წევრების დანიშვნისთვის, ყოფილმა პრეზიდენტმა ფული გადაიხადა:

„სააკაშვილი შეთანხმდა პოროშენკოსთან , რომ თუ მისი გუნდი უკრაინაში იქნებოდა წარმოდგენილი და მოხდებოდა მისი რეაბილიტაცია, იმ თანხებს, რომელიც საქართველოდან გაიტანეს, ჩადებდა უკრაინის ეკონომიკაში. შეთანხმება ფულზე გაიყიდა.“- აცხადებს წითელაშვილი.

წითელაშვილის თქმით მიხეილ სააკაშვილი ფინანსური დახმარების გარდა პოროშენკოს მებრძოლებითაც დაეხმარება:

„ სააკაშვილი დაპირდა უკრაინის ხელისუფლებას, რომ მოახდენს „ბოევიკების“ მობილიზებას , გადაისვრიან უკრაინაში და ჩაებმებიან დონბასში საბრძოლო მოქმედებებში. ეს სააკაშვილმა აიღო თავის თავზე, თავისივე დაფინანსებით.“-აღნიშნავს წითელაშვილი

წითელაშვილის აზრით საქართველოს ყოფილი პრეზიდენტის აქტიურობას უკრაინაში ის მიზეზი აქვს , რომ მიხეილ სააკაშვილს სხვა ქვეყნებმა გარანტიები არ მისცეს და დასამკვიდრებლად უკრაინა შეარჩია:

„ამერიკამ და სხვა ქვეყნებმა ვერ მისცეს გარანტია , რომ რომელიმე ქვეყანაში ხელშეუხებელი იქნებოდა , ამიტომ უკრაინა ამოირჩია.

რამდენიმე ვარიანტი ქონდა საქართველოში დესტაბილიზაციის გამოსაწვევად , ყველა ვარიანტი ჩაუვარდა და ახალი პლაცდარმი სჭირდება საქართველოში დასაბრუნებლად. ახლა გადავიდა საარჩევნო მომზადებაზე. უნდა უკრაინაში დამკვიდრება და იქიდან თითის ქნევა , რომ დაბრუნდეს ქვეყანაში. სააკაშვილი ტყუილად ფულს არ გადაიხდის . სააკაშვილმა ასეთი პატარა ქვეყანა დაანგრია და ამხელა უკრაინას ააშენებს?“- ამბობს ტრისტან წითელაშვილი.