ნატო-ს გენერალური მდივნის სპეციალური წარმომადგენელი სამხრეთ კავკასიაში ჯეიმს აპატურაი ევროპარლამენტის საგარეო ურთიერთობათა კომიტეტის თავმჯდომარის განცხადებას გამოეხმაურა, რომლის თანახმად მოლდოვას, საქართველოს და უკრაინის ნატოში გაწევრიანებაზე საუბრის დრო არ არის.

აპატურაის თქმით, ევროპარლამენტარის წარმომადგენლის განცხადებაზე კომენტარი მის კომპეტენციაში არ შედის.

"მოდით ასე ვთქვათ, მოლდოვა არის ნეიტრალური ქვეყანა და მას ნეიტრალურობის სტატუსის შეცვლაზე გეგმები არ გააჩნია. იქ არ დგას ნატოს წევრობის საკითხი. რაც შეეხება უკრაინას, ნათლად არც მას მიუთითებია, რომ იგი უახლოეს მომავალში ნატოსკენ იმოძრავებს. რაც შეეხება საქართველოს, აქ ყველაფერი ნათელია, თუმცა განსხვავებული თვალსაზრისით. არსებითი პაკეტი, რომელიც საქართველოს გადაეცა, საუბარია წევრობისკენ მიმავალ გზაზე, პაკეტით განსაზღვრული ნაბიჯების შესრულებაზე. პაკეტი თავისი არსით შედგენილია იმისთვის, რომ საქართველოს გაწევრიანების გზაზე დახმარება გაეწიოს. რაც შეეხება ბროკის განცხადებას, ის გარკვეულწილად სწორ განცხადებას აკეთებს, რადგან ამ ეტაპზე საუბარი არ მიდის“, - განაცხადა აპატურაიმ.

ევროპარლამენტის საგარეო ურთიერთობათა კომიტეტის თავმჯდომარის განცხადებით, საქართველოს, უკრაინასა და მოლდოვას ნატო-ში გაწევრიანებაზე ამ ეტაპზე საუბარი არ არის.