პრეზიდენტის მრჩეველი, თენგიზ ფხალაძე, უკრაინაში საქართველოს ელჩის მიხეილ უკლებას გადადგომის შესახებ გავრცელებულ ინფორმაციას ეხმაურება.

მისი თქმით, ელჩის გადაყენების შესახებ მას ინფორმაცია არ აქვს.

ფხალაძის განმარტებით, არც საგარეო საქმეთა სამინისტროს არ მიუმართავს პრეზიდენტისთვის უკლებას გადადგომის მოთხოვნით.

„უკრაინაში საკმაოდ პროფესიონალი კოლექტივია და ძალიან მნიშვნელოვანია ის სამუშაო, რომელსაც ჩვენი საელჩო ეწევა. არ ვიცი კონკრეტულად რაზეა საუბარი. თუ რომელიმე ელჩს როტაციიდან გამომდინარე უწევს თანამდებობის დატოვება, არ ვიცი. ეს საგარეო საქმეთა სამინისტროსთან არის გასავლელი, ამ საკითხზე ჩვენთან კონსულტაციები ჩვენთან არავის გაუვლია“, - აცხადებს ფხალაძემ.

უკრიანში საქართველოს ელჩის გადაყენების შესახებ ინფორმაცია უარყო საგარეო საქმეთა მინისტრმაც. თუმცა საპარლამენტო უმრავლესობის წარმომადგენლები მიიჩნევენ, რომ საქართველოს უკრაინასთან გარკვეული პრობლემები შეექმნა, რის გამოც საელჩოების დაკომპლექტების საკითხის გადახედვაა საჭირო.