აფხაზეთის დე ფაქტო ლიდერი გაეროს სამი ორგანიზაციის წარმომადგენლებს შეხვდა, ხაჯიმბასთან შეხვედრას ესწრებოდნენ გაეროს მუდმივი კოორდინატორი და საქართველოში გაეროს პროგრამის მუდმივი წარმომადგენელი ნილს სკოტი, სამხრეთ კავკასიაში გაეროს ლტოლვილთა უმაღლესი კომისარი სიმონე ვოლკენი და იუნისეფის რეგიონალური განყოფილების ხელმძღვანელი ალექსანდრ გრაუმანი ესწრებოდნენ.

შეხვედრაზე საუბარი შეეხო ოკუპირებულ ტერიტორიაზე საერთაშორისო ორგანიზაციების მუშაობას, სოფლის მეურნეობის პროექტებს, განათლებას და სამედიცინო მომსახურებას .

გაეროს წარმომადგნელებმა ოკუპირებული აფხაზეთის გალის რაიონში მცხოვრები ქართველების პრობლემებზე, მათ შორის, სკოლებში ქართული ენის სწავლების საკითხზე ისაუბრეს.

,,ჩვენ გალის რაიონის მოსახლეობისთვის სკოლებში ქართული ენის სწავლების საკითხს არ ვეწინააღმდეგებით. მაგრამ ერთი პირობით, სახელმძღვანელოები და ყველა თვალსაჩინოება თუ ნივთი, რაც ამისთვის საჭიროა, აფხაზეთის განათლების სამინისტროს მიერ უნდა იყოს დამტკიცებული და გამოცემული." - აღნიშნა რაულ ხაჯიმბამ.