საქართველოს ელჩი ევროკავშირში, ნატალია საბანაძე მიიჩნევს, რომ რუსეთ-აფხაზეთს შორის გაფორმებული ე.წ. ხელშეკრულება ჟენევის მოლაპარაკებებს საფრთხეს უქმნის.

ამის შესახემ საბანაძემ ევროკავშირში თავდაცვისა და უსაფრთხოების კომიტეტის სხდომაზე განაცხადა.

მისივე თქმით, რუსეთსა და აფხაზეთს შორის გაფორმებული ხელშეკრულება რუსეთის განზრახვას ასახავს.

„ჩვენმა მთავრობამ ეს ქმედება ანექსიისკენ გადადგმულ ნაბიჯად შეაფასა. ამ მოსაზრებას ჩვენი არაერთი ევროპელი პარტნიორი იზიარებს. ეს დოკუმენტი ახალ რეალობას შექმნის. ბორდერიზაციის პროცესი უკვე დაწყებულია აფხაზეთსა და ცხინვალში, მავთულხლართები ჩვენს მიერ კონტროლირებად ტერიტორიაზეა განლაგებული. ეს ყველაფერი კონფლიქტის მშვიდობიანი მოგვარების შანსს ამცირებს და საფრთხეს უქმნის აფხაზეთთან პირდაპირი დიალოგს. შესაძლოა ამ დოკუმენტმა ჟენევის მოლაპარაკებების ფორმატზეც იქონიოს გავლენა“,- განაცხადა საბანაძემ.