უკრაინაში, ალექსანდრე კვიტაშვილის ჯანდაცვის მინისტრის თანამდებობაზე დანიშვნა დღეს საქართველოს საგარეო საქმეთა მინისტრმაც შეაფასა.

თამარ ბერუჩაშვილის განცხადებით, საქართველო-უკრაინას შორის არსებული სტრატეგიული ურთიერთობა უფრო პრიორიტეტული და მნიშვნელოვანია ვიდრე, საქართველოს წინა ხელისუფლების წარმომადგენელთა მაღალ პოსტებზე დანიშნვას.

„ყველას ვთხოვდი, რომ არ ატეხონ აჟიოტაჟი ამ თემასთან დაკავშირებით, იმიტომ, რომ საქართველო–უკრაინის ურთიერთობა, ამ ორი ქვეყნის სტრატეგიული პარტნიორობა, განსაკუთრებით რეგიონში არსებული ახალი გამოწვევების ფონზე უფრო მეტია, ვიდრე ერთი თუ ორი მინიტრის დანიშვნა’’, – განაცხადა ბერუჩაშვილმა.