საგარეო საქმეთა მინისტრი თამარ ბერუჩაშვილი ნატოს მინისტერიალის ფარგლებში ალიანსის გენერალურ მდივანს შეხვდება.

საუბრის მთავარი თემა ქვეყნის ევროატლანტიკური ინტეგრაცია, ნატოსთან არსებითი პაკეტის განხორციელება, ნატოს საწვრთნელი ცენტრის საქართველოში განთავსება და რუსეთსა და აფხაზეთს შორის გაფორმებული ე.წ. ხელშეკრულება იქნება.

„მნიშვნელოვანია, რომ მობილიზება მოვახდინოთ ნატო-საქართველოს კომისიის სხვადასხვა ფორმატების და კონცენტრირება გავაკეთოთ საქართველოს პრიორიტეტულ ნაბიჯზე, განსაკუთრებით რუსეთის მხრიდან გადადგმული ბოლო ნაბიჯის გათვალისწინებით. ამის თაობაზე გენერალურმა მდივანმა გუშინ ისაუბრა. მე მექნება მასთან ცალკე შეხვედრა და ეს იქნება ერთ-ერთი უმნიშვნელოვანესი საკითხი, რომელსაც მასთან განვიხილავ“, - განაცხადა ბერუჩაშვილმა.