ნატო-ს გენერალური მდივნის სპეციალური წარმომადგენელი სამხრეთ კავკასიასა და ცენტრალურ აზიაში ჯეიმს აპატურაი აფხაზეთსა და რუსეთს შორის გაფორმებულ ე.წ. ხელშეკრულებას აფასებს.

აპატურაის თქმით, რუსეთის მხრიდან მსგავსი ხელშეკრულების გაფორმება მოსალოდნელია სამხრეთ ოსეთთანაც.

„როდესაც ჩამოვალ საქართველოში პრემიერ-მინისტრთან და მთავრობის წევრებთან ვისაუბრებ ე.წ. შეთანხმებებზე, რომელსაც რუსეთი აფორმებს. აფხაზეთთან ეს უკვე გაფორმდა და ჩვენ, რა თქმა უნდა, მოველით, რომ იგივე მოხდება სამხრეთ ოსეთთან მიმართებაშიც. მინისტრმა ამიხსნა და მეც ვეთანხმები მას, რომ ეს მხოლოდ ტექნიკური ცვლილებები არ არის. ეს არის როგორც ამ პროცესს საქართველოში უწოდებენ, „მცოცავი ოკუპაციისკენ“ გადადგმული ფუნდამენტური ნაბიჯი. მოუთმენლად ველი საქათველოში ჩამოსვლას და მთავრობის წევრებთან შეხვედრას“, - განაცხადა აპატურაიმ.