უკრაინის ჯანდაცვის მინისტრად სანდრო კვიტაშვილის სოციალურ ქსელში ეხმაურება საქართველოს კულტურის ყოფილი მინისტრი ნიკა რურუა.

მისი თქმით, კვიტაშვილმა უკრაინის პრეზიდენტის შეთავაზებაზე თანხმობით გამბედავი ნაბიჯი გადადგა.

„სანდრო კვიტაშვილისგან უკრაინის ჯანდაცვის მინისტრობაზე თანხმობა არის ძალიან გამბედავი ნაბიჯი, რადგანაც ეს პოზიცია ძალიან რთულია, მეტადრე მაშინ, როდესაც არარეფორმირებული სახელმწიფო - უკრაინა - რეალურ ომშია. წარმატებები, ძმაო სანდრო! აბა შენ იცი!!!

რაც შეეხება უკრაინელებს, ამის მერე მე ისინი კიდევ უფრო შემიყვარდნენ (და რაღაცნაირი, უცნაური თბილი გრძნობით შემებრალენ), რადგანაც სახეზეა მათი გულწრფელი და თავგანწირული სურვილი, რომ ნორმალური სახელმწიფო ჰქონდეთ, რისი ჩამოურთმევი უფლება მათ ნამდვილად აქვთ.

Slava Ukraine!!!

P.S. და სამარცხვინოა ჩვენი ხელისუფლების ქონდრისკაცული ჯერ ლარჩრობა, უკრაინის მხარდაჭერის საქმეში, და დღეს უკვე შურიანი, მდაბიური წუწუნი იმაზე, რომ უკრაინელებს რეფორმატორი ქართველების გვერდში დგომა დასჭირდათ. სჯობს საერთოდ ხმა არ ამოეღოთ“, - წერს რურუა.