ალექსანდრე კვიტაშვილი უკრაინის ჯანდაცვის მინისტრი გახდა

პოლიტიკა - 21:31, 02 Dec, 2014

4094

ალექსანდრე კვიტაშვილი, უკრაინის ჯანდაცვის მინისტრის პოსტზე დაამტკიცეს.

"ეს არის კაცი, რომელმაც საქართველოში რადიკალური რეფორმაბი გაატარა, ეს არის კაცი, რომელმაც მიიღო უკრაინის მოქალაქეობა, ეს არის კაცი, რომელიც რადიკალურ რეფორმებს გაატარებს უკრაინისთვის," - განაცხადა არსენი იაცენიუკმა კვიტაშვილის წარდგენისას.

მიუხედავად გარკვეული დეპუტატების პროტესტისა, უკრაინის პრეზიდენტმა მაინც შესძლო მინიტრთა კაბინეტში სხვა ქვეყნის მოქალაქეთა შეყვანა.

"მე მტკიცედ ვდგავარ ჩემს პოზიციაზე, რომ ჩვენ აუცილებლად უნდა გამოვიყენოთ უცხოელების პოტენციალი, მათ შორის მათი მინიტრთა კაბინეტში შეყვანის ფორმითაც," - აღნიშნა პოროშენკომ პარლამენტის ტრიბუნიდან გამოსვლისას.

როგორც ცნობილია, უკრაინის მინისტრთა კაბინეტში კიდევ ორი უცხოელი იქნება.

ლიტველი აივარას აბრამავიჩუსი ეკონომიკის მინისტრის თანამდებობას დაიკავებს, ხოლო ამერიკელი ნატალია იარესკო ფინანსთა მინისტრი იქნება.

თანამდებობა შეინარჩუნა შინაგან საქმეთა მინისტრმა არსენ ავაკოვმაც. არსებული ინფორმაციით, მისი მოადგილის თანამდებობას ეკა ზღულაძე დაიკავებს.

უკრაინის შს მინისტრის მოადგილის პოსტზე ზღულაძის დანიშვნის შესახებ ინფორმაცია საქართველოს ექს-პრეზიდენტმა მიხეილ სააკაშვილმაც დაადასტურა.