ან პოროშენკოა "რუსული პროექტი" ან... "ბატონიბიძინას" ლოგიკა rules"

პოლიტიკა - 15:43, 02 Dec, 2014

2357

,,ნაციონალური მოძრაობის“ ერთ-ერთი ლიდერი ზურაბ ჭიაბერაშვილი უკრაინის მთავრობაში საქართველოს ყოფილი ხელისუფლების მაღალჩინოსნების შესაძლო დანიშვნას ,,ფეისბუქის“ გვერდზე ეხმაურება და ოპონენტების მიერ გამოთქმულ კრიტიკას საკუთარი მოსაზრებებით პასუხობს.

"1. ყველაზე რადიკალი "ბიძინისტები" ამტკიცებენ, რომ "რუსული პროექტი" რუსი ოლიგარქი ბიძინა ივანიშვილი კი არა, პრეზიდენტი სააკაშვილია.

2. პრეზიდენტი სააკაშვილი, გაეროს წესდების ფარგლებში, ეომა რუსეთს, როდესაც ამ უკანასკნელის არმიამ გადმილახა საქართველოს სუვერენული საზღვარი.

3. ბიძინა ივანიშვილი და მისი მთავრობა ხმასაც კი არ იღებს, როდესაც რუსეთი აფორმებს ფაქტობრივი ანექსიის ხელშეკრულებას საქართველოს მის მიერვე ოკუპირებულ ნაწილთან, აფხაზეთთან.

4. როდესაც რუსეთი ახდენს ყირიმის ანექსიას და თავისი რეგულარული არმიით ებრძვის უკრაინას მისსავე ტერიტორიაზე, ბიძინა ივანიშვილი და მისი მთავრობა ჩუმადაა თბილისში, პრეზიდენტი სააკაშვილი და ერთიანი ნაციონალური მოძრაობა კი კიევსა და ყველა საერთშორისო მედიაში იცავს უკრაინას და საქართველოს.

5. უკრაინაში მაღალ თანამდებობაზე ინიშნებიან პრეზიდენტ სააკაშვილის ხელისუფლების მაღალი თანამდებობის პირები, ანუ ხელისუფლება, რომელიც ებრძვის რუსეთს, ენდობა ხალხს, რომელიც, ივანიშვილისა და მისი მომხრეების მტკიცებით, თავად არის "რუსული პროექტი".

6. რა გამოდის? ან პოროშენკოა "რუსული პროექტი" და იგი შეგნებულად, უკრაინელი ხალხის საზიანოდ იყენებს მეორე "რუსულ პროექტს" - სააკაშვილს; ან პოროშენკო "სიცრუეში ცხოვრობს".

"ბატონიბიძინას" ლოგიკა rules." - წერს ზურაბ ჭიაბერაშვილი.