ნაციონალური მოძრაობის წევრი ზურა ჯაფარიდზე აცხადებს, რომ 2014 წლის ბიუჯეტში სავარაუდოდ მნიშვნელოვანი გარღვევა იქნება.

ჯაფარიძის განცხადებით, თუ დეკემბერში მთავრობას მოუწევს იგივე რაოდენობით შემოსულობებს მიღებას და გადასახადების გადახდას, როგორც ნოემბერში, საქართველოს სახელმწიფო ბიუჯეტი შემოსულობების ნაწილში გაირღვევა დაახლოებით 700-800 მილიონი ლარით, საგადასახადო შემოსავლების ნაწილში - დაახლოებით 100-150 მილიონი ლარით, ხოლო გადასახდელების ნაწილში კი დაახლოებით 700-800 მილიონი ლარით იქნება.

„სერიოზული პრობლემებია სახელმწიფო ბიუჯეტის შესრულების თვალსაზრისით. 2014 წლის ბიუჯეტით დაგეგმილია 9,105,000,000 ლარის შემოსულობების მიღება. აქედან, საგადასახადო შემოსავლების გეგმა შეადგენს 6,820,000,000 ლარს, ხოლო გადასახდელების მხრივ დაგეგმილია 9,080,000,000 ლარის გახარჯვა. 1 დეკემბრის მდგომარეობით, იმისათვის რომ ბიუჯეტი შესრულდეს, საჭიროა წლის ბოლომდე 1,344,100,000 ლარის შემოსულობების მიღება (დაგეგმილის 15%!), 710 მილიონი ლარის გადასახადების აკრეფა და 1,423,100,000 ლარის გადასახდელების გადახდა (დაგეგმილის 16%!). ჩვენ შეგვიძლია დანამდვილებით ვთქვათ, რომ 1 თვეში ამის გაკეთება არის შეუძლებელია.

ჯაფარიძის თქმით, მთავრობა უკვე ორი წელია ვერ ახერხებს ბიუჯეტის დაგეგმვას და შესრულებას, ხოლო გარღვეული ბიუჯეწტი ნიშნავს იმას, რომ დაიკარგება უამრავი სამუშაო ადგილი, რომელიც უნდა შექმნილიყო.