მშენებლობის ნებართვის გაცემის უფლებამოსილება პრეზიდენტის ნაცვლად მთავრობას ექნება. ამის შესახებ თბილისის მერმა დავით ნარმანიამ მთავრობის სხდომის დასრულების შემდეგ განაცხადა.

„პრეზიდენტის ნაცვლად მშენებლობის ნებართვის გაცემის უფლებამოსილების საკითხს საქართველოს მთავრობა განსაზღვრავს. ეს ტექნიკური ხასიათის ცვლილებაა“, - განაცხადა ნარმანიამ.

ნარმანიამ მინისტრთა კაბინეტის წევრებს რამდენიმე საკითხი წარუდგინა, რომელიც მუნიციპალური ტრანსპორტის რეგულირებასთან დაკავშირებული საკითხები და დასუფთავებას შეეხება.

"ეკონომიკის რეგულირებად სფეროებშია მუნიციპალური ტრანსპორტის რეგულირებასთან დაკავშირებული საკითხები და დასუფთავება. თბილისის მუნიციპალიტეტი ადგენს შესაბამის ტარიფებს. მთავრობის დადგენილებით განისაზღვრა ზოგადად ჩამონათვალი, ხოლო ტარიფები დადგენილი იქნება უშუალოდ ჩვენს მიერ. ტარიფები არ იცვლება. მხოლოდ ტექნიკური ხასიათის ცვლილება განხორციელდა", - განაცხადა ნარმანიამ.