ჟენევის მოლაპარაკებებში საგარეო საქმეთა მინისტრის ყოფილ მოადგილეს დავით ზალკალიანს, დავით დონდუა ჩაანაცვლებს. დონდუა ჟენევის მოლაპარაკებათა ფორმატის მნიშვნელობაზე ამახვილებს ყურადღებას. მისი თქმით, ქართული მხარე რუსეთთან დიალოგს გააგრძელებს.

„რას გულისხმობდა კარასინის, ეს ჩემი საკომენტარო არ არის, მაგრამ ის ინფორმაცია, რომელიც რია-ნოვოსტის საიტზეა გამოქვეყნებული, როგორც ვიცი, კარასინი-აბაშიძის ფორმატს ეხება, ამიტომ ამაზე კომენტარს ვერ გავაკეთებ. მე შემიძლია ვისაუბრო ჟენევის მოლაპარაკებებზე. როგორც აქამდე ვიყავით კონსტრუქციულები და ვცდილობდით, რომ გარკვეული პოზიტივი და რეალური შედეგი ყოფილიყო, ასევე გავაგრძელებთ მომავალშიც,“ - განაცხადა დონდუამ.