მორიგი მოლაპარაკება პროფკავშირებსა და რკინიგზის ადმინისტრაციას შორის კვლავ უშედეგოდ დასრულდა. როგრც ცნობილია რკინიგზის ადმინისტრაციამ გაფიცულებთან ორი სხვადასხვა შეთანხმება წარადგინა, რომლებზეც აქციის მონაწილეები არ დათანხმდნენ.

როგორც რკინიგზელები აცხადებენ, სანამ შეხვედრიდან რკინიგზის წარმომადგენელი მიღწეული შეთანხმების წარსადგენად მივიდოდა, ადმინისტრაციამ მათ სხვა საკითხებზე მომზადებული ბრძანება წარუდგინა, სადაც მოთხოვნების მხოლოდ მცირე ნაწილი იყო გათვალისწინებული. დოკუმენტი მათთვის მიუღებელი აღმოჩნდა და მას გაფიცულმა რკინიგზელებმა ხელი არ მოაწერეს.

ახალი პროფკავშირების წარმომადგენლების განცხადებით, ადმინისტრაციის საქციელი მოლაპარაკებების პროცესში რკინიგზის როლის დისკრედიტაციაა.

შეგახსენებთ, რომ რკინიგზელების გაფიცვას საქართველოს სხვადასხვა რეგიონშიც შეუერთდნენ. მათი ძირითადი მოთხოვნა ზეგანაკვეთური სამუშაოს ანაზღაურება, ხელფასების გაზრდა, მეცამეტე ხელფასის გაცემა და ანაზღაურების სტაჟისა და დამსახურების მიხედვით დაწესებაა.