ჯანდაცვის მინისტრი დავით სერგეენკო უკრაინის ჯანდაცვის მინისტრად ალექსანდრე კვიტაშვილის და სხვადასხვა თანამდებობებზე დასახელებული კანდიდატურებიდან სქართველოს მოქალაქეების შესაძლო დანიშვნას ეხმაურება.

„უკრიანის მთავრობის გადასაწყვეტია თუ ვის დანიშნავს მთავრობაში და აქ არანაირი კითხვა არ შეიძლება იყოს. საქმე იმაშია, რომ თუ გადაწყვეტენ, რომ დანიშნონ ის ადმაიანი, რომელზეც საქართველში სისხლის სამართლის საქმეა დაწყებული, ეს ქვეყნებს შორის ურთიერთობას ხელს არ შეუწყობს“, - განაცხადა სერგეენკომ.

საქართველოს ექსპრეზიდენტმა მიხეილ სააკაშვილმა დაადასტურა, რომ უკრაინის მთავრობის მოწვევით კიევში საქართველოს ყოფილი თანამდებობის რამდენიმე პირიც იმყოფება. მისი თქმით, სანდრო კვიტაშვილთან ერთად უკრაინის მთავრობაში თანამდებობები შესაძლოა კიდევ რამდენმე ყოფილმა ქართველმა მაღალჩინოსანმა დაიკავოს.