საპარლამენტო უმრავლესობის წევრი გედევან ფოფხაძე უკრაინაში საქართველოს პრემიერ-მინისტრის უკრაინაში ვიზიტს დადებითად აფასებს და აცხადებს, რომ უკრაინასთან ურთიერთობის ორიენტირები ზუსტად უნდა განვსაზღვროთ და დავაფიქსიროთ, რომ უკრაინა არის ჩვენი სტრატეგიული პარტნიორი.

ჟურნალისტის კითხვაზე, რა გავლენას მოახდენს საქართველოს მთავრობაზე უკრაინის მთავრობის შემადგენლობაში საქართველოს ყოფილი პირველი პირების, მათ შორის მიხეილ სააკაშვილის შესაძლო ყოფნა, ფოფხაძემ განაცხადა, რომ ეს ორ ქვეყნის ურთიერთობას რაღაც დონეზე გაართულებს. "თუ ჩვენს პრემიერს იქ ასეთი რეალობა დახვდება, უკრაინა მეცოდება. ასეთ შემთხვევაში უკრაინასთან სტრატეგიული პარტნიორობა იმიტომ კი ვერ შედგება, რომ ეს ადამიანები იქნებიან იქ, უბრალოდ უკრაინას არ ექნება იმის რესურსი, ვინმეს რაიმე პარტნიორობა და დახმარება გაუწიოს. ამ ადამიანების რჩევების გათვალისწინებას არავის არ ვურჩევ", - აცხადებს ფოფხაძე.